السلام عليكم....
صباحكم/مساكم
فل
::
الله لايحرمني منك
جعل يومي قبل يومك
ياجعل عيني ماتبكيك
كلمات نرددها دائما لأشخاص لهم مكانه عظيمه بقلوبنا
عن نفسي : اكثر ماأردد هالعباره لأمي الله لايحرمني منها
لأن ماعندي اغلى منها بهالكون
لكن ..
لو فكرنا بالكلمه ( جعل يومي قبل يومك )
وخلونا صريحين وبأمانه
ودك يكون يومك قبل يوم اغلى البشر عندك ؟؟
خلوني اتكلم عن نفسي ..
بصراحه كثير افكر بهالعباره لما اقولها
هل انا صادقه فيها وهل هي طالعه من قلبي ؟؟
هل صدق اتمنى اموت ولا اشوف اليوم اللي افقد فيه اغلى ناسي ؟؟
احيانا اقول ايه وبدون تردد
لأن حياه من دون الغاليين ماأبيها
ولاأقدر اتخيل مجرد تخيل اني اصحى بيوم وماألقى اغلى ناسي بهالدنيا
من جد .. مجرد انك تتخيل صعبه وشلون لاصارت واقعيه
الله يطول بأعمار كل من يعز علينا يارب
طيب
هل لما اقول ( جعل يومي قبل يومك ) اكون قاصدتها ؟
بعدها افكر بالجانب الثاني
الموت ورهبة الموت
لاحد يجيني يقولي : انا ماأخاف من الموت
اللي يقول كذا : نصاب
اي نعم نصاب .. لأن حتى الصحابه وهم اصحاب الورع والتقى كانوا يهابون الموت
يعني كلنا مانضمن ان اعمالنا اللي بهالدنيا واللي نظن بأنها صالحه بتشفع لنا بقبرنا
يمكن نكون داخلين بقوله تعالى ( اللذين ظل سعيهم في الحياة الدنيا ,, وهم يحسبون انهم يحسنون صنعا )
كلنا مانضمن ان سؤال منكر ونكير لنا بيكون سهل وبننجح فيه
كلنا مانضمن فتنة القبر وعذاب القبر
,,
يعني وين الأصعب ..
اني اعيش بالدنيا بدون اغلى البشر عندي << والله صعبه
او مواجهة الموت وسكراته وفتنة القبر وعذابه ومنكر ونكير اللي كلنا مهما استعد للموت
بيظل في داخلنا خوف من المواجهه
صح كلنا بنموت ..
لكن
هل انت الى الأن عند كلمتك !!
هل بالفعل تتمنى انك تموت ولا يموت اغلى ناسك ؟؟
,.,.,.,.,.,
تقريبا كل اللي عندي قلته ^_^
واتمنى ماثقلت <<< ماظنتي جبتي طاري الموت وماتبين تثقلين
//
لكن ابي اعرف اجاباتكم وبصراحه
لما تقول ( جعل يومي قبل يومك ) ؟؟
هل بالفعل تعنيها من قلبك !!
يعني هل انت مستعد لمواجهة الموت ؟؟
//
بالأخير لو كان هالشي بيدي
اخلي يومي ويوم اغلى ناسي بنفس اليوم ^_^
::
الله يطول باعمارهم في طاعة الرحمن
والله يرزقنا حسن الخاتمه يارب ...
05-03-2008, 02:50 AM
&&جعل يومي قبل يومك&&
العرض العادي
